पशुपन्छीमा समस्या देखिए सुन्दरहरैचा नगरपालिकाले तत्काल प्राविधिक सेवा उपलब्ध गराइने

सुन्दरहरैँचा, मोरङ
सुन्दरहरैँचा नगरपालिकाभित्रका कृषकहरूले पालेका पशुपन्छीमा कुनै पनि किसिमको स्वास्थ्य समस्या वा रोगको लक्षण देखिएमा तत्काल प्राविधिक सहायता उपलब्ध गराइने भएको छ।
कृषकहरूलाई आफ्नै वडास्तरमा सहज र छिटो सेवा पुर्‍याउने उद्देश्यले नगरपालिकाले वडागत रूपमा प्राविधिकहरू खटाएको छ। पशुपन्छीमा कुनै समस्या आएमा आ-आफ्नो वडा हेर्ने प्राविधिकहरूलाई प्रत्यक्ष सम्पर्क गर्न कृषक महानुभावहरूमा अनुरोध गरिएको छ।
नगरपालिकाले सेवा लिनका लागि निम्न अनुसारका प्राविधिकहरूलाई सम्पर्क गर्न आग्रह गरेको छ:
वडा नं. १, २, ११ र १२ का लागि: आयुस ढकाल – ९८२७३७६४४१
वडा नं. ३, ४, ५ र ६ का लागि: लोकेन्द्र बानियाँ – ९८४२४६४३५०
वडा नं. ७, ८, ९ र १० का लागि: यामुना राई – ९८४५३३४३००
पशुपन्छीमा देखिने आकस्मिक रोग, सङ्क्रमण वा अन्य स्वास्थ्यसम्बन्धी जिज्ञासा भएमा तोकिएका प्राविधिकहरूसँग सम्पर्क गरी समयमै परामर्श र उपचार सेवा लिन नगर कार्यपालिकाको कार्यालयले सबै कृषकहरूमा अपिल गरेको छ।