शनिबार सुन्दरहरैँचाका विभिन्न क्षेत्रमा विद्युत सेवा अवरुद्ध हुने

​नेपाल विद्युत प्राधिकरण, बेलबारी वितरण केन्द्रले सुन्दरहरैँचा नगरपालिकाका धेरैजसो वडाहरूमा शनिबार विद्युत सेवा अवरुद्ध हुने जनाएको छ। काँकडभिट्टा-लौकही सडक योजना (महेंद्र राजमार्ग/Asian Highway) अन्तर्गत सडक किनारका विद्युतीय पोल तथा तार सार्ने कार्य गर्नुपर्ने भएकाले विद्युत आपूर्ति बन्द गर्न लागिएको हो।
​नेपाल विद्युत प्राधिकरणका अनुसार सुन्दरहरैँचाका प्रभावित क्षेत्र र समय तालिका निम्नानुसार रहेको छ:
​विद्युत कटौती हुने समय र क्षेत्रहरू:
​११ के.भी. गछिया फिडर (बिहान ०७:०० बजेदेखि दिउँसो १२:०० बजेसम्म):
​सुन्दरहरैँचा नगरपालिका वडा नं. ०३, ०४, ०५, ०६ र ०७।
​गछिया एरिया, गोठगाऊँ एरिया, बलिया, बाँसबारी, दुलारी, बेलगाछी, मालती मार्ग तथा रोयल होटलको पश्चिमतर्फका क्षेत्रहरू।
​११ के.भी. सलकपुर फिडर (बिहान ०७:०० बजेदेखि बिहान ८:०० बजेसम्म):
​सुन्दरहरैँचा नगरपालिका वडा नं. ०३, ०८, ०९ र १०।
​चन्दनगर, विश्वविद्यालय एरिया, आर.एम.सि., तिनमोडे, चिउरामिल तथा हिमाली मार्ग लगायतका सम्पूर्ण क्षेत्रहरू।
​तोकिएको समयभन्दा अगावै काम सम्पन्न भएमा निर्धारित समयअघि नै विद्युत सेवा सुचारु गरिने प्राधिकरणले जनाएको छ। विद्युत कटौतीबाट पर्न जाने असुविधाप्रति बेलबारी वितरण केन्द्रले ग्राहकवर्गसँग क्षमा मागेको छ।